„საუკეთესო წლიური ანგარიშის და გამჭვირვალობის ჯილდო 2020“ დაანონსდა

მსოფლიო ბანკის და ევროკავშირის ფინანსური ჩართულობის და ანგარიშვალდებულების ერთობლივი პროექტის ფარგლებში, ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნულ ფონდთან თანამშრომლობით, „საუკეთესო წლიური ანგარიშის და გამჭვირვალობის ჯილდო“ 2020 წელსაც ჩატარდება. 

აღნიშნული წლიური ჯილდოს მიზანია ანგარიშგების ახალ რეგულაციებთან შესაბამისობის ხელშეწყობა, კომპანიებს შორის ჯანსაღი კონკურენციის წახალისება და კორპორაციული ანგარიშგების საერთო სტანდარტის ამაღლება ინვესტორთა ნდობის მოსაპოვებლად, როგორც ადგილობრივ, ისე საერთაშორისო დონეზე.

მიმდინარე წელს, კონკურსში მონაწილეობა შეუძლიათ: საჯარო დაინტერესების მქონე ყველა პირს (PIEs), რომელთა შორისაა A და B სალისტინგო კატეგორიების ყველა კომპანია, სავაჭროდ დაშვებულ ფირმებს, ბანკებს, სადაზღვევო კომპანიებს და ა.შ. 

გარდა ამისა, 2020 წლის კონკურსში წარმოდგენილი იქნება ახალი ჯილდო - კომპანიების წლიურ ანგარიშებში შემავალი საუკეთესო ინტეგრირებული ანგარიშგებისთვის. 

გამარჯვებულებს ქართველი და უცხოელი ექსპერტებისგან დაკომპლექტებული ჟიური გამოავლენს. 

კონკურსის შესახებ დამატებითი ინფორმაციის მისაღებად ეწვიეთ ოფიციალურ ვებგვერდს.