ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

ICAEW-ის ხარისხის უზრუნველყოფის დეპარტამენტის წარმომადგენლები საქართველოს ეწვივნენ

2018 წლის 25, 26 და 27 ივლისს, აზიის განვითარების ბანკის ტექნიკური დახმარების პროექტის ფარგლებში, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა ინგლისისა და უელსის დიპლომირებულ ბუღალტერთა ინსტიტუტის (ICAEW) ხარისხის უზრუნველყოფის დეპარტამენტის წარმომადგენლებს უმასპინძლა. ვიზიტის მიზანს წარმოადგენდა აუდიტორების/აუდიტორული ფირმების ხარისხის კონტროლის სისტემის მონიტორინგის პროცესების შესახებ ცოდნისა და გამოცდილების გაზიარება.

სემინარის ფარგლებში, ICAEW-ის წარმომადგენლებმა ისაუბრეს არა-სდპ აუდიტორული გარიგებების განმახორციელებელი აუდიტორებისა და აუდიტორული ფირმების ხარისხის კონტროლის სისტემის მონიტორინგის ბრიტანეთში დანერგილ პრაქტიკასა და მიდგომებზე აგრეთვე აღსრულების მექანიზმებზე. სამსახურის წარმომადგენლებს საშუალება მიეცათ წამოეჭრათ აქტუალური და საინტერესო საკითხები და ემსჯელათ მიდგომების მსგავსებებსა და განსხვავებებზე.

27 ივლისს, ICAEW-ის დელეგაცია ბუღალტრული აღრიცხვის, ანგარიშგებისა და აუდიტის საბჭოს წარმომადგენლებს შეხვდა. შეხვედრის მიზანს ხარისხის კონტროლის სისტემის მონიტორინგთან დაკავშირებული დავების განხილვის კუთხით გამოცდილების გაზიარება წარმოადგენდა.