სამსახურის წარმომადგენლები დარგობრივი ასოციაციის მიერ ორგანიზებულ შეხვედრას დაესწრნენ

საქართველოს დისტრიბუტორთა ბიზნეს ასოციაციის ორგანიზებით, ბუღალტრულ და საგადასახადო კანონმდებლობაში შეტანილ მნიშვნელოვან ცვლილებებთან დაკავშირებული შეხვედრა ჩატარდა. ასოციაციის წევრი კომპანიების წარმომადგენლებსა და მოწვეულ სტუმრებთან ერთად, ღონისძიებას ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზდამხედველობის სამსახურის თანამშრომლები დაესწრნენ.

სამსახურის წარმომადგენლები დამსწრეთა წინაშე პრეზენტაციით წარსდგნენ და ბუღალტრული აღრიცხვის, ანგარიშგებისა და აუდიტის შესახებ 2016 წლის 25 ივნისს ამოქმედებული კანონით განსაზღვრულ ანგარიშგების მოთხოვნებზე, სფეროში მიმდინარე რეფორმის მიზნებსა და მნიშვნელობაზე ისაუბრეს. პრეზენტაციის დასკვნითი ნაწილი კანონის გარკვეული მოთხოვნების დაზუსტებასა და, რეფორმის ჭრილში, დარგისათვის აქტუალური პრობლემების განხილვას დაეთმო.

საქართველოს დისტიბუტორთა ბიზნეს ასოციაცია ქართულ ბაზარზე მომუშავე უმსხვილეს და აქტიურ სადისტრიბუციო კომპანიებს აერთიანებს.